اَزَل سے معظم ہے نامِ محمدؐ
فرشتوں سے پوچھو مقامِ محمدؐ
بشر عہدِ طفلی سے باہر تو نکلے
کریں گے سبھی اِحترامِ محمدؐ
محمدؐ کے دُشمن ہیں تا حشر اَبتر
خدا خوب لے اِنتقامِ محمدؐ
خلاصہ مکمل شریعت کا لکھ لو
حلالِ محمدؐ ، حرامِ محمدؐ
زکات اَب بھی پہنچے غریبوں کو گھر پر
مؤثر ترین اِنتظامِ محمدؐ
بہت ہو چکی ، اَب فقط ایک نعرہ
نظامِ محمدؐ ، نظامِ محمدؐ
خدا لیلیٰ اور قیسؔ کو بھی بنا دے
کنیزِ محمدؐ ، غلامِ محمدؐ
#شہزادقیس
.